№48 жалпы орта білім беретін мектебінде "Өзін-өзі тану: Махаббат пен Шығармашылық педагогикасы" атты онкүндік қорытынды
Мектепте дәстүрлі іс-шаралардың бірі - "Өзін-өзі тану: Махаббат пен Шығармашылық педагогикасы" атты онкүндік. Онкүндіктің ашылуы «Өзін-өзі тану - біздің әлеміміз» атаумен тақырыптық салтанатты жиын түрінде болды. Мектеп кітапханасында «Мейірім төгетін ана» «Өзін-өзі тану» бағдарламаның авторы С.А Назарбаева туралы кітап көрмесі ұйымдастырылып, 1-11 сынып аралығындағы оқушылар қатысты. Кітапханашы Сапина Д.А «Өзін-өзі тану» бағдарламасының авторы С.А Назарбаева туралы мағлұмат беріп, өмірбаяны мен қоғамдық қызметтері туралы әңгімеледі. Мектептің өзін-өзі басқару ұйымының бастауымен "Жылы жүрек - жақсы тілек" сыныптар өзара бір біріне ашық хат жолдау эстафетасы өтті. Оқушылар бір біріне жүрекжарды тілектерін жолдап, белсенді қатысты. Бастауыш сыныптар оқушылары үшін «Көңілді үзілістер» ұйымдастырылды. Ерекше белсенділік танытқан іс-шара - «Нақыл сөздер қазынасы» деп аталып, 1-6 сыныптар арасында жүргізілді. Оқушылар мақал-мәтел, нақыл сөздер, дәйексөздер жинағы жасалды. Ең белсенді оқушылар марапатталды. Осы онкүндік аясында мектепте «Үздік оқушы –2022» жалпы мектептік акция өтіп, соңында байқау нәтижесінде жеңімпаздар анықталды. Жалпыадамзаттық құндылықтар насихаттау мақсатында 1-4 сынып оқушыларға "Адам болам десеңіз..." атты мәнерлеп оқу сайысы өткізілді. Жүлделі орындармен бірге номинация бойынша да марапаттаулар болды. 1-11 сынып оқушылардың эстетикалық талғамдарын дамыту мақсатында "Мен бақытты баламын" фотоколлаж тақырыпты ашатын фотосуреттерден жасалды. Осы онкүндіктің негізгі және тиімді іс-шарасы ретінде «Жүрек жылуымен бөлісемін» атты қайырымдылық акциясы өтті. 7-8 сыныптар оқушыларымен «Ізгілік әлемінде» тақырыбында дебат өткізіліп, белсенділік танытқа оқушылар марапатталды. Мектеп психологы Сатиева Е.А 9-11 сынып оқушыларына «Өмірлік құндылықтар аукционы» тақырыбында дөңгелек үстел ұйымдастырды. Апталықтың қорытындысы ретінде сыныптарда адамгершілік сабақтары өтті. Оқушылар жақсы әсерде болып, кері байланыс парақтарында өз пікірлерін білдірді.